Esta semana tivemos a oportunidade de asistir, como convidadas do Centro Ocupacional Aspadisol, á proxección do documental “Lo imposible se hará”, producido por Plena Inclusión España.
Este documental narra a inspiradora historia de 38 artistas con discapacidade intelectual e do desenvolvemento, que preparan e levan a cabo un concerto histórico no Auditorio Nacional de Música de Madrid xunto coa Orquestra Carlos III. Unha mañá para reflexionar sobre a inclusión, a autonomía e a importancia de seguir avanzando cara a unha sociedade con máis oportunidades para todas as persoas.
Para as nosas usuarias foi unha experiencia moi enriquecedora. Ademais de gozar dunha actividade cultural diferente, puideron coñecer historias inspiradoras e compartir impresións co resto das persoas asistentes tras a proxección.
Queremos agradecer a ASPADISOL a invitación para participar nesta iniciativa e felicitar a Plena Inclusión pola realización dun documental que visibiliza realidades, rompe prexuízos e nos lembra que moitos dos cambios que parecen imposibles comezan con pequenos pasos e co compromiso de toda a sociedade.
