O pasado venres 9 de maio visitamos o Museo Didáctico de Telecomunicacións (MUDITEL) situado no edificio e torre de Telefónica, na zona do Castrillón.
O grupo de maiores da compañía telefónica ofrece un percorrido fascinante pola historia das telecomunicacións, desde os primeiros telégrafos ata as modernas tecnoloxías de hoxe en día. A exposición conta cunha colección única de dispositivos históricos, como teléfonos tanto fixos como móbiles, radios, cabinas de teléfonos e telegramas de diferentes épocas, ademais de interactivos que permitiron ás nosas usuarias experimentar como foron mudando as formas de comunicarse ao longo do tempo.
O máis impactante do museo foi ver como todos os aparellos que teñen aínda funcionan a día de hoxe a pesar de todos os anos que pasaron desde os seus últimos usos. As nosas usuarias puideron tocar os instrumentos de comunicación coas súas propias mans e facer chamadas entre ambos.
Este museo é un claro exemplo de que a restauración mantén vivo o recordo.
