Días de agradecemento

Estas semanas, Hogar Santa Lucía está a recibir multitude de doazóns, que agradecemos moito xa que nos axudan a continuar co noso traballo diario.

A delegación ENOR na Coruña, que realiza o mantemento dos nosos ascensores, volveu colaborar co noso centro, facendo unha doazón de alimentos e produtos de limpeza e hixiene persoal. Moitas grazas!

Doutra banda, a Escola “Fillas de Cristo Rei” de Oleiros, colaborou un ano máis na realización dunha campaña de doazón de produtos alimenticios para a Fundación Raiola e o Fogar de Santa Lucía. Grazas!

Asemade, o Colexio Fundación Hogar Santa Margarita, acordouse das nosas usuarias, nestas datas tan especiais, agasallando a cada unha delas cun perfume.